Dubai ‘krevati’ i pandemisë! Vajzat e njohura të ekranit që u arratisën nga Shqipëria në kulmin e Covid për pak diell dhe shkretëtirë, nga Luana, Roza e deri te Megi Pojani

Luana Vjollca, Kejvina Kthella, Roza Lati, Megi Pojani, Loredana si dhe Belinda Dragoti shijuan temperaturat “përvëluese” në këtë vend tejet të pëlqyer.

TIRANË-Pak ditë më parë vendi ynë u përfshi nga reshje të dendura bore dhe për disa kohë me reshje shiu. Mirëpo, teksa ne këtu mbështilleshim me shall dhe kapuç, vajzat shqiptare merrnin rreze dielli në Dubai. Ky ishte destinacioni më i kërkuar dhe i preferuar i tyre në kohë pandemie, duke u bërë kështu si një strehëz ose ‘krevat’ në një periudhë të vështirë.

Përtej vëmendjes së mijëra ndjekësve në Insatagram ato kanë tërhequr edhe vëmendjen e mediave rozë me fotot e publikuara.

Luana Vjollca, Kejvina Kthella, Roza Lati, Megi Pojani, Loredana, Elvana Gjata si dhe Belinda Dragoti shijuan temperaturat “përvëluese” në këtë vend tejet të pëlqyer. Disa prej tyre morën rrezet e diellit, të tjera bënë xhirot e famshme në shkretëtirë, ndërsa e vetmja, Loredana shijoi kohën me vajzën dhe partnerin Mozzik.