Njoftoi nga burgu se do të fejohej, hajduti arratiset nga qelia dhe realizon planin e tij

Njoftoi nga burgu se do të fejohej, hajduti arratiset nga qelia dhe realizon planin e tij

Një hajdut i rrezikshëm, i cili u arratis nga një burg në Angli ka bërë një veprim të pazakontë.

Bëhet fjalë për 34-vjeçarin Sam Hawkins, i cili është shfaqur në një foto në Facebook në shtrat së bashku me të dashurën e tij duke ngrënë një tost.

Hawkins njoftoi planin e tij për t’u martuar me Danielle Foster në një postim në Facebook kur ishte në burg dhe një ditë më pas ai u arratis nga burgu i Sudbury në Derbyshire.

Ai u arratis nga burgu së bashku me shokun e tij, Darren McKay.

Autoritetet nisën menjëherë kërkimet për 34-vjeçarin, të cilin e konsideruan si “kriminel të rrezikshëm” dhe paralajmëruan publikuan të mos i afrohen atij.

Fotoja u publikua nga e fejuara e tij, Danielle Foster, e cila i bëri “tag” 34-vjeçarit dhe duke shoqëruar emrin e tij me disa zemra blu.

E fejuara e tij ka katër fëmijë. 34-vjeçari u dënua me 9 vjet e katër muaj burg një vit më parë për vjedhje.

Ai ishte pjesë e një bande prej 7 anëtaresh që vepronte në Londrën e Jugut, të cilët u burgosën në qershor të 2019.

Ata grabisnin dyqanet dhe bankomatet, si dhe kryenin vjedhje banesash. Aktivititeti i tyre kriminal zgjati më shumë se 1 vit.